Qırım ile alâqa

Biz Qırımda ve Ukrainanıñ qıta qısmında yaşağan soy-aqraba, dostlar, ortaqlar arasında alâqanı saqlamağa yardım etmek isteymiz. Yarımadada yaşağanlarnıñ çoqusı içün bir qaç daqqalıq qonuşuv büyük qoltutuv ve olarnı unutmağanlarınıñ şaatlığıdır.

Biz cep ve yerli telefonlarnen bağlanuv çareleri aqqında, em de olarnı qullanğanda paranı nasıl tutumlı masraf etmek mümkün olğanını ikâye etecekmiz.

Eger siz bu malümatnı faydalı saysañız, onıñ içtimaiy ağlarda darqalmasına qoltutuñız. Bu başqa adamlarğa Qırım ve qıta Ukraina arasında alâqa imkânları aqqında bilmege yardım etecek.

Acele telefon etmek kerek

Eger bir kere telefon etmek kerek olsa – Viber-den fayadalana bilesiz: eger siziñ subetdeşiñiz de bu alâqadan faydalansa, ekiñiz de aqçañıznı iqtisat etersiz.

Bu alâqa sizge kelişmese, Qırımda aşağıda kösterilgen operatorlarnıñ hızmetinden fayadalanmaq mümkün:

Operator, TarifCep telefonğaYerli telefonğa
МТС, "Супер МТС"20 ₽/daqqada20 ₽/daqqada
Крымтелеком36,58 ₽/daqqada*36,58 ₽/daqqada*
Skype20 ¢/daqqada10 ¢/daqqada

* Belki de şu operatorlar vastasınen telefon etmege olmay.

Çoqusı allarda Qırımğa tek "МТС" nomeralarına telefon etmek imkânı bar:

Operator, TarifMTSke (+7)Yerli telefonlarğa
Ukrtelekom24 ¢/daqqada
Vodafone3 ₴/daqqada0,5 ₴/daqqada*
МТС Украина, "Безлимит за границу"0 ₴/daqqada**
Lifecell11 ₴/daqqada11 ₴/daqqada*
Lifecell, "Звонки за границу"2,86 ₴/daqqada0,73 ₴/daqqada*
Киевстар20 ₴/daqqada20 ₴/daqqada*
Киевстар, "Любимые страны"1,5 ₴/daqqada1,5 ₴/daqqada*
Viber Out9,5 ¢/daqqada2,3 ¢/daqqada
Skype10 ¢/daqqada2,3 ¢/daqqada

* Belki de şu operatorlar vastasınen telefon etmege olmay.
** 35 ₴/ayda.

Qırımdaki bir abonentke telefon etseñiz, onıñ esabından da er bir daqqa laf içün para alıncağı hatırıñızda tursun.

Qırımdaki telefon nomeralarında deñişmeler aqqında bilmek içün "Qırım şeerleriniñ telefon kodları" bölügine keçiñiz.

Muntazam sürette telefon etmek kerek

Bir adamnen qonuşmaq kerek olsa, eñ qolaylısı internet vastası ile bağlanmaq. Skype ya da Viber programmalarından esli adamlar bile faydalana bileler. Buña tek sabır, yapılacaq areketlerniñ cedveli ve internet içün tölemek kerek olğanını hatırlamalı.

Eger mıtlaqa telefon ile qonuşmaq kerek olsa, internet-telefonlaşuv ya da IP-telefonlaşuv hızmetinden faydalana bilesiz. Bu ev telefonı ile internette qonuşmaqtır. Böyle alâqanı internet ve telefon olğan dünyanıñ er köşesinde qullanmaq mümkün.

İnternet-telefondan smartfon, planşet ya da kompyuterni internetke bağlandırıp faydalanalar. Bu aqta tafsilâtlıca "Donatmalar ve sazlav" bölüginde yazılğan.

Aşağıda internet-telefonlaşuv hızmetini eda etken esas alâqa operatorlarınıñ qıyaslanuvı köre bilesiñiz.

İmkânlar teñeştirilmesiVegaУкртелекомАтлантис ТелекомZadarma
Yerli nomeraebetyoqyoqqoşma hızmet
İnternet vastasınen nomeranı
qaydiyetten (registratsiyadan) keçirüv
ebetsıñırlanğanebetebet
Visa ve MasterCard vastası ile tölevebetyoqebetebet
Ögünden tölevqoşma hızmetyoqebetebet

Operator ve hızmetlerniñ saylanması ihtiyac ve imkânlarıñızğa bağlı.

Yerli nomera alsañız, operator çalışqan er bir regionınıñ kodunı ala bilesiñiz. Meselâ, Qırımda oturıp, siz özüñizge Kiyev telefon nomerasını ala bilesiz, ve Kiyevden bu nomerañızğa yapılğan telefon etüvler yerli kibi sayıla ve fiyatlandırıla.

Nomeranı internet vastasınen qaydiyetten (registratsiyadan) keçirmek imkânı olsa, demek ki nomeranı Qırımdan çıqmayıp ve Ukrainanıñ qıta qısmında bulunğan tanışlarıñızdan yardım soramayıp, ala bilirsiñiz.

Visa ve MasterCard vastası ile tölevler halqara yollanmalar sistemalarını işletip esaplarnen çalışmaq imkân bere. Qırımda olar çalışmağanına baqmadan, olarnıñ kartlarınen ameller keçirmek imkânı qaldı. Bu aqta tafsilâtlı malümat "Tölevler ve esapnı tolduruv" bölüginde oquy bilesiz.

Evelden tölev telefonıñıznı özüniñ adına resmiyleştirgen tanışlarıñıznı borcdan qurtarır. Yerli telefonnı uzaqtan resmiyleştirmek mümkün degil, çünki qanunlarğa köre, resmiyleştirüv pasport malümatlarını ya da VOYDŞ (vaqtınca oturğan yerini deñiştirgen şahıs – тимчасово переміщена особа) malümat kâğıtına esaslanıp yapıla. "Evelden tölev" hızmeti esabıñızğa qoyulğan paranıñ sıñırından çıqmamağa imkân berir.

Er alda telefonda memleket tışına telefon etüv imkânını qapatmağa tevsiye etile. Bunı añlaşma tizgende operatorğa haber etmeli ya da, eger operator böyle imkân berse, şahsiy kabinette qayd etmeli.

Tarifler qıyaslanmasıVegaУкртелекомАтлантис ТелекомZadarma
Qoşuluv1 ₴025 ₴ +
25 ₴ esapqa
0
Abonent tölevi57,97 ₴/ayda10 ₴/ayda00
Yerli1000 daqqada 0,
daleye 0,054 ₴/daqqada
7,5 ₽/daqqada
Şeerlerara0,66 ₴/daqqada0,43 ₴/daqqada0,5 ₴/daqqada7,5 ₽/daqqada
Cep telefonğa1,2 ₴/daqqada1,2 ₴/daqqada0,75 ₴/daqqada15 ₽/daqqada

Bu taqriz içün er bir operatordan birer adiy tarif saylanıp alındı. Bütün şartlarnen ve diger tariflernen er bir operatornıñ saytında tanışa bilesiz.

Eger özüñiz bir nomera sımarlap alıp olamasañız, dost ve tanışlarıñızdan yardım sorañız ya da bizge yazıñız.

Esabıñıznı toldursınlar dep ya da operatornıñ yaqın bir bölüginde internet-telefonnı öz adına resmiyleştirip kerekli malümatlarnı sizge yollasınlar dep qıtada yaşağan tanışlarıñız ya da soylarıñızğa rica ete bilesñiiz. Biliñiz ki, bu ağır zamanlarda yardım istegen adamğa yardım bermegenler az.

Daa neler bilmek kerek

Viber

Viber eki cihazda (smartfon, planşet ya da kompyuter) qurulğan olsa, bu cihazlar arasında telefonlaşmaq ve mektüp yollamaq imkânını bere.

İdentifikator olaraq Viber siziñ telefon nomerañıznı qullana. Onı qaydiyetten (registratsiyadan) keçkende mıtlaqa yazmalı. İrişim kodunı SMS ya da nomerañızğa telefon etüv vastasınen alırsıñız. Qaydiyetten keçken soñ siz bir kereden Viber-ni qullanğan tanışlarıñıznı körersiz.

Viber Out hızmeti internet vastasınen çalışa, amma Viber-ni qullanmağanlarğa telefon etmege imkân bere. Lâkin bu hızmetten Qırımda faydalanmaq qıyın, çünki Viberge para keçirmek ağır. Qırımda Viber esabını toldurmağa imkân bergen iç bir tölev terminalı tapalmadıq. Buña baqmadan, "Tölevler ve esapnı tolduruv" bölüginde olğan tevsiyelerden faydalana bilesiz.

Skype

Skype internet ağında bedava video ya da ses ile qonuşmaq imkânını bere. Bundan ğayrı, Skype vastası ile mobil ve yerli telefon nomeralarına telefon etmek mümkün.

Qırımda Skype esabını Payberry tölev alğan terminallarda "Электронная коммерция" bölüginde ya da QIWI terminallarında "Интернет, ТВ и телефония > Телефония" bölüginde toldurmaq mümkün.

Qırım şeerleriniñ telefon kodları

Qırım işğal olunğan soñ yarımada ve Ukraina qıta qısmı arasındaki statsionar telefon alâqası üzüldi. Şimdi Qırımdaki yerli bir nomerağa telefon etmek içün Rusiyeniñ halqara kodu ve deñiştirilgen yerli kodnı işletmek kerek.

Qırımğa telefon etmek içün telefon kodunda birinci raqamnı deñiştirmeli: 0 yerine 0073 (065XXXXXXX olğan olsa, şimdi 007365XXXXXXX oldı). Mobil telefondan, Skype ya da Viber işletilse: +7365XXXXXXX olmalı.

Aqyarğa (Sevastopol) telefon etmek içün telefon kodunda birinci raqamnı deñiştirmeli: 0 yerine 0078 (0692XXXXXXX olğan olsa, şimdi 0078692XXXXXXX oldı). Mobil telefondan, Skype ya da Viber işletilse: +78692XXXXXXX olmalı.

Qırım Rusiye qısmı olaraq tanılmağanı sebebinden, ukrain operatorları kodları deñiştirilgen Qırımdaki nomeralarnen bağlanmaq imkânı bermeyler. Bu yani deñiştirilgen kodlarnı qullanıp kefaletli olaraq tek Skype ve Viber vastasınen telefon etmek mümkün.

Tölevler ve esapnı tolduruv

Qırımda banklar Visa ya da MasterCard plastik kartlarnı bermeyler. Buña baqmadan, "Яндекс.Деньги" esabını ya da QIWI kisesini serbest açmaq mümkün. Bu tölev sistemaları virtual MasterCard ve Visa kartlarından fayadalanıp halqara yollanmalar yapmaq imkânı bereler.

Bu kelişmese, Ukrainanıñ qıta qısmında yaşağan soy ya da tanışlarıñıznıñ yardımı ile tölemek mümkün.

Donatmalar ve sazlav

İnternet-telefonnı çoqusı allarda kompyuter, planşet ya da smartfonda sazlap (настраивать etip) qullanalar. Bunıñ içün sazlav instruktsiyaları yardımınen mahsus SIP-kliyent programmasını qurmalı. Bunı nasıl yapmaq kerek olğanını alâqa operatorlarınıñ malümatlarından bilmek mümkün:

Esli adamlar içün ayrı vaziyetlerde tonlu nomera tizüv (тоновый набор) ile çalışqan adiy telefon ile faydalanmaq imkânı bar. Bunıñ içün VoIP-şlüz satın almaq kerek. Bir taraftan o internetke, diger taraftan ise adiy telefonğa qoşula. Teşkerilgen, işançlı VoIP-şlüzlarnı bir-de-bir operatornıñ IP-telefoniya içün donatmalar saifesinde tanışa bilesiz.

Böyle donatma almazdan evel mıtlaqa operator ya da mütehassıs ile mesleatlaşıñ.

İnternet-telefonğa qoşulmaq başqa çareleri de bar, meselâ, mahsus WiFi-telefon satın almaq ya da küçük ATSte (мини-АТС) böyle nomeranı sazlamaq.